Sorkar sikula hlankai avangin MIGAAHSLA-in lawmthu an sawi

Mizoram Govt Ad-hoc Aided Hr Sec School Lectures Association (MIGAAHSLA) chuan Council of Ministers ṭhukhawmin Mizoram district hrang hranga higher secondary school (HSS) 12 te kum hnih zet revoke an nih hnuah sorkar sikul (provin-cialise)-a a hlangkai leh ta chu lawmawm an tih thu an tarlang.

MIGAAHSLA chuan govt ad-hoc aided HSS-te chu kum 2008 khan sorkarin aided school-ah a hlangkai a, hun a lo kala, sorkar inthlak chhoah harsatna an tawk fo ṭhin tih tarlangin, "Eng emaw chen hnuah phei chuan roll back mai hlauhthawnawm dinhmunahte an lo ding tawh ṭhin. Govt ad-hoc aided HSS-te hi zirna lamah theihtawp chhuahin result ṭha tak tak an lo nei tawh ṭhin a ni. HSSLC exam-ah pawh top 10 leh subject topper-ah mi eng emaw zat an lo hlangkai tawh," an ti.

Mizoram sorkarin district hrang hranga HSS-te zirlai naupang leh khawtlang tana an pawi­mawh zia hriaa sikul 12-te provin­cialised a June 19, 2026-a notifi­cation order a chhuah ta chu an lawm thu tarlangin MIGA­AHSLA chuan, "Pathian leh sorkar chungah lawmthu kan sawi tak meuh meuh a ni," an ti bawk.