Aizawlah ganja kg 2 man

Central YMA hnuaia ruihhlo dotu Central Anti Drug Squad (CADS) leh Excise & Narcotics department ṭang dun chuan June 26, 2026 zing dar 2 vel khan Ṭhuampui vengah Hmangaihsanga (31) s/o Ramengmawia, Happy Valley, Shillong hnen aṭangin ganja kg 2 an man.

Thu dawn danin, Hmangaihsanga hian Shillong aṭangin Mizoramah ganja a phur lut ṭhin a, Kolasib leh Kawnpuiah te pawh an hralh ṭhin thu hriat a ni. Hmangaihsanga thurualpui, Dominic-a erawh Kawnpui aṭangin Shillong lamah a let leh avangin man a la ni lo a, man ngei tuma hmalak mek a ni. Dominic-a hi Vairengte khua, Shillong lama inbengbel zui ta nia hriat a ni.

CADS chuan, ruihhlo vanga buai leh thi an tam tawh avangin, ruihhlo zuarte an dim dawn loh thu leh, khawi hmunah pawh awm se an ûm zui zel tur thu an tarlang.