KHAWTHLIR

Thisen pe

June 27, Inrinni khan KṬP, Chanmari West Branch chuan ZMCH tan thisen unit 116 an pe a, petute mipa 85 leh hmeichhia 31 an ni a; KṬP, Ramhlun Venglai Branch pawhin Synod Hospital tan unit 49 an pe a, petute mipa 44 leh hmeichhia panga an ni. ṬKP, Rahsi Veng Bial member mipa 15 leh hmeichhia 12-te'n June 27 khan Lunglei Civil Hospital tan thisen unit 27 an pe bawk.

Kawlphetha man vangin thi

Freddy Lalruatfela (22) s/o H Thantluanga, Maubawk chu June 27, Inrinni chawhma dar 9:20 khan kawlphetha (electric current) man vangin a thi. Thu dawn danin, Freddy Lalruatfela hian Hunthar Vengah eirawngbawlna gas phur lirthei hnung lama gas tlak dâlna an dah chu lak sawn a tum a, gas tlak dâlna thir a lek kàn chuan electric hrui a tawk a, current-in a man ta a ni. Damdawi-in panpui nghal ni mah se, a nunna chhan theih a ni lo.

Theological Sunday hmang

Nimin Pathianni kha UPC (North East India) 'Theological Sunday' a ni a; he ni pual hian UPC (NEI) General Headquarters chuan tualchhung kohhran tinah thuchah thawnin, chhiar chhuah a ni. November 2024-a UPC (NEI) Executive Board vawi 198-na chuan kum tin June thla Pathianni hnuhnung ber chu ‘Theological Sunday’ atana hman turin a rel a, kum 2025 aṭang khan hman ṭan a ni.

Ruihhlo dona

Siaha district level Nasha Mukt Bharat Abhyan, WADA, LWS Siaha leh Siaha ECM kohhran te chuan June 26, 2026 khan Siata Buiring Hall-ah ‘International Day Against Drug Abuse & Illlicit Trafficking’ an hmang. District level master trainner CH Beikhochhi chuan ruihhlo chungchang kal khawmte a zirtir a; ruihhlo ti ve lo tura intiamna thu an sawi rual bawk.