BPL hmeichhiate'n gas connection An neih theih nan hmalak mek a ni

Indian Oil Cor­poration (IOC) Ltd. manager Akhil Paul chuan Inrinni khan LBL Lodge, Bawngkawnah thuthar thehdarhtute a kâwm a; below poverty line (BPL) chhungkua, hmeithai zawng zawngin gas connection an neih theihna atan hma an lak mek thu a sawi.

Akhil Paul chuan, Ministry of Petroleum and Natural Gas-in ‘Pradhan Mantri Ujjwala Yojana’ (PMUY) hnuaia ram chhunga BPL chhungkuaa hmeithai zawng zawngin gas connection an neih vek theihna atana hmalakna turah March 19, 2019 hmaa LPG connection nuai 500 pekna atan cheng vbc. 12,800 ruahman a nih thu a sawi a, "Hei bakah hian March 2020 hmain gas connection nuai 300 pek chhuah tum a ni," a ti.

IOC Manager sawi danin, BPL hmeithaite'n gas connection an neih vek theihna tura hmalakna hi prime minister Narendra Modi chuan May 1, 2016 khan Uttar Pradesh-ah a hawng a, chumi hnuah IOC-in an bawhzui a ni. Kum 2016-a hawn a nih aṭanga December 15, 2018 thleng khan gas connection nuai 275 vel pek chhuah a ni tawh.

IOC Manager-in thu­thar thehdarhtute a kawm­naah hian Mizoram retail assistant manager Vishal Alok leh sales officer Martin Gangte te pawh an tel a ni.