MLA-in market sakna tur a en

Adviser to chief minister H Ginzalala, MLA chuan nimin khan Neihdawn khaw tana Road Side Market sakna tur hmun a enfiah.

Road Side Market (Rural Haat) hi NABARD aṭanga sum hmuh hmanga sak tur niin, ATMA, Champhai District chu implementing agency a ni a; ft. 100-a seia sak tur a ni. NABARD duh dan angin, solar lighting, inthiarna leh kudam te a awm dawn a ni.

H Ginzalala chuan, rintlak leh kum tam tak daih tur market sak a nih theih nan Neihdawn khaw mite leh ATMA, Champhai district chu theihtawp chhuah turin a chah. Neihdawn khuaa loneitute thlai tharte awlsam zawka hralh a nih theih nan a bul ṭanna a nih tur thu sawiin, futsal ground leh homestay te la din belh zel an tum thu a sawi bawk.