Khawzawl dist-ah kum chanve chhungin ruihhlo kaihhnawih thubuai 49 ziak lut

Khawzawl district-ah May 29 aṭanga June 29, 2026 thleng khan cheng nuai 203 hû ruihhlo man a ni a, kumin 2026 kum chanve chhungin ruihhlo kaihhnawihah thubuai 49 ziah luh a ni.

June 29, Thawhṭanni khan bawrhsap K Vanlalṭhiana hoa Khawzawl District Narco Coordination Centre (NCORD) ṭhutkhawma tarlan danin, May 29 - June 29, 2026 chhung khan Khawzawl district-ah Rs 45,60,000 hû heroin gram 228 leh Rs 1,57,76,000 hû methamphetamine kg 1.972 man a ni.

Ruihhlo awm lohna khua (drug free village) atana thlan Tlangmawi khua chu endikna leh ṭul dangte tih zawh a nih tawh thu leh, state level NCORD-a pharh theiha peih a nih tawh thu tarlan a ni a; ruihhlo leh a kaihhnawih do bakah, naupang leh ṭhalaite zûk leh hmuama an fihlim theihna tura hmalak dan turte sawiho a ni.

Khawzawl Bawrhsap chuan, khawsakna tlaka Mizoram siam turin a kaihhnawihb sorkar department-te bakah, khawtlang hruaitute leh mipui ṭanrual a pawimawh thu a sawi. Ṭhutkhawmah hian NCORD member te, COD-NERC leh YMA Sub-Headquarters hnuaia Anti-Drug Squad member-te an tel a ni.