KMMTTP-a Chatuan Leimin enfiah

Lawngtlai District Disaster Manage-ment Authority (DDMA) chuan an chairman Donny Lalruatsanga, bawrhsap kaihhruaiin nimin khan Kaladan Multi Modal Transit Transport Project (KMMTTP) NH-502A kawngpuia leimin ṭhinna, 'Chatuan Leimin' an tih hmun an enfiah.

Chatuan Leimin hi metre 400 vela sei niin, kum tin lei a min ṭhin a, kumin bikah kawngpui hnawh khawpin ṭum sarih lei a min tawh a ni.

Lawngtlai Bawrhsap chuan, Chatuan Leiminin harsatna nasa tak a thlen ṭhin chu veiawm a tih thu sawiin, kuminah pawh leimin vangin mipuite'n harsatna an tawh tawh ṭhin thu a sawi a, "Kawngpui pawimawh tak, khaw tam takin ei leh bar an lak luh leh sumdawnna kawngpui pawimawh tak a nih angin kawng hi a tlang ṭhat a ṭul. KMMTTP kawngpui hi nakkuma hawn tur a nih angin Minstry of Road Transport and Highways kaltlangin 'Relair & Maintenance' hnathawk tur company-te pawh tih fel ṭep a ni tawh," a ti a; company thlan a nih hunah harsatna tam tak sutkian a nih dawn thu a sawi.

Ruahtui a tlak tam dawn chauh avangin kawngpui enkawltute chu inring reng turin Bawrhsap chuan a chah a ni.