Heroin leh methamphetamine man
Assam Rifles leh Mizoram Police-a Special Narcotics Police Station mite chuan nimin khan Sairang huam chungah methamphetamine kg 1.938 an man a, Special Narcotics PS-ah thubuai ziah luh a ni. Meth neitua puh mi pathum - Zohmingthanga (56), Chawlhhmun, Lalhmingmawia (35), Zemabawk leh, Hussain Ahmed (45), Patharkandi, Sribhumi (Karimganj) district, Assam te an man nghal bawk.
June 30, 2026 khan Assam Rifles chuan Lawngtlai district-a Hmawngbuchhuah khuaah methamphetamine kg 1.8 an man a, a neitua puh Myanmar mi pahnih an man nghal bawk. Meth leh a neitua puhte hi Bungtlang Police Station hnenah an hlan a ni.
Excise & Narcotics department leh Central YMA hnuaia Central Anti Drug Squad chuan, June 29, 2026 zan khan Zemabawk High School Vengah heroin gram 150 (hawng 12) an man. A neitua puh mi pahnih - Esther VL Ruati (45), Sunhluchhip, tuna Zemabawk Mel-4 Muala khawsa mek nia insawi leh Lalremmawia (39), Sunhluchhip, tuna Zemabawk West-a khawsa mek nia insawite an man nghal a, June 30 court-ah hruai an ni.