Minister-in lawmpuina hlan

Minister C Lalsawi­vunga chuan nimin khan a bial Aizawl South-I chhung mi, tun hnaia Mizoram Agriculture Service-a tling thar pahnih - Malsawmtluangi leh Lalhlimpuii, Bethlehem Veng ve ve hnenah lawm­puina atan laptop a pe.

C Lalsawivunga chuan, hlawhtlinna bul chu Pathian laka rinawm a nih thu sawiin, "Eng hna pawh thawk ila, rinawmna leh taimakna hi Pathianin a duh ber a ni a, a laka rinawm leh taimate'n hlawhtlinna leh malsawmna an dawng ṭhin. Nu leh pa thu awih hi Pathian thu a ni a, an thu awih hi anmahni chawimawina a ni," a ti a, MAS-a tling tharte chu Mizoram sorkar tan ṭhahnemngai taka thawk turin a chah. Lawmpuina hlan inkhawm hi Minister pisaah neih a ni.