Minister pahnihin sikul an enfiah

Education minister Dr Vanlalthlana leh minister of state B Lalchhanzova te chuan nimin khan Aizawl East-II bial chhunga sikul ṭhenkhat an tlawh a, sikul mamawh leh harsatnate a hmunah an en.

Minister pahnih hian Chite Upper Primary School leh Chite Primary School, Armed Veng South P/S-II, Armed Veng P/S-I leh Armed Veng Middle School te an tlawh a; bialtu corporator Christina Roluahpuii Sailo leh sorkar hotute'n an ṭawiawm.

Chite an tlawhnaah School Manage-ment Committee leh khawtlang hruaitute nen sikul hmunhmate enhoin, sikul building an neih theih nana hmalak dan turte an sawiho. Chite UPS leh P/S te hian Mizoram State Sports Council hnuaia Chite Mini Sports Complex building chu classroom atan an hmang mek a ni.

Dr Vanlalthlana chuan, Mizorama zirnain hma a sawn zel theih nan public private part-nership (PPP) mode-a sorkar leh kohhran thawh dunna hmangin sikul ṭhenkhat enkawl tum a nih thu a sawi. Bialtu MLA B Lalchhanzova chuan, a bial chhunga sikul awmte hmasawnna tura hmalak a nih dan sawiin, hmachhawp fel tak neiin hmasawn-na tur ruahmanna siam zel a nih thu a sawi.