Sorkarin football-a hmasawnna a ngai pawimawh - Chief Minister

Chief minister Lal-duhoma chuan July 1, Nilaini khan Rajiv Gan-dhi Stadium, Aizawlah Mizoram Football Asso-ciation (MFA) leh Adidas company ten an buatsaih 'Exhibition Match - The Home of Football' a hmanpui a; sorkarin football-a hmasawnna a ngaih pawimawh thu a sawi.

CM Lalduhoma chuan, "Sorkarin football-a hmasawnna hi a ngai pawimawh a, kum kal taah pawh khan I-League khel phak kan football club pahnih Chanmary FC leh Aizawl FC te chu Handholding hmangin an bánah a kai a ni," a ti.

Mahni inthununna leh tumruhna hmangin professional footballer-te dinhmun ang chu naupang leh ṭhalai thiamna (talent) nei ṭhate'n an thleng ve theih thu Lalduhoma chuan sawiin, "Football hian kan state economy-ah pawh a thawh hlawk chho ve zel," a ti a; ṭhalai tam zawkin professional football an khelh chuan Mizoramin a hlawkpui tial tial dawn thu a sawi.

Exhibition match-ah hian India Super League leh India Football League-a Mizo footballer-te an inkhel a ni.