Mi 30 hnenah tualchher khawl sem

Mizoram Science, Technology & Innovation (MISTIC) leh National Innovation Foundation (NIF) chuan nimin khan Innovation Facility Centre (IFC), MINECO-ah tualchher khawl siam chi hrang hrang mi 30 hnenah an sem.

Tualchher khawl semte chu Ramdinmawia, Haulawng siam hmarcha chi leh a kâwr thliarna te, Lalhruaitluanga, Serchhip siam changél channa te, Lalbiakzuala Ralte, Luangmual siam kuhva kâwr thel faina leh, Lalṭhafela, Kawnpui siam kuhva thel faina te a ni a; mi 30 hnenah sem a ni.

Tarlan danin, Mizoramah hian Zopa tualchher thiamna nei (grassroot innovator) mi 50 chuang an awm a, chung mite hmanraw hmuh theih leh tualchhung mamawh milin mipui harsatna eng emaw zat an sutkiansak tawh.

Khawl semte chu a dawngtute'n a thlawnin an dawng a; NIF leh MISTIC te nen inremna ziakin, khawl an dawn chu ṭangkai taka hmang a, a hun taka review/feedback pe turin an intiam a ni.