Sawhthing support price atan kuminah vbc 70 chuang pek tum a ni - Agri Minister

Agriculture minister PC Vanlalruata chuan nimin khan Tualcheng khuaa sawhthing sawngbawlna hmun tur a tlawh a; sawhthing support price atan kuminah cheng vbc 70 chuang pek tum a nih thu a sawi.

PC Vanlalruata chuan, Tual-chengin sawhthing sawngbawlna an nei tur chu vanneihthlak a tih thu a sawi a, "Nikum lamah sawh-thing support price vbc 140 chuang lai pek chhuah a ni a, kuminah hian support price vbc 70 chuang pek chhuah leh tum a ni," a ti.

ZPM party-in an sorkar hma aṭangin kut hnathawktute sawhthing leisak an tiam thu sawiin Minister chuan, "Chief Minister-in kan sawi ang ngeiin thlai thar zingah kan ngai pawimawh berte zinga mi niin, theihtawp chhuahin kut hnathawktutete'n an thawh rah an seng theih nan kan bei," a ti a; CM Lalduhoma kaihruaina hnuaiah nasa lehzualin hma an lak dawn thu a sawi.

Agriculture Minister chuan, thlai dang hmanga sum thawh chhuah theihna tur sorkarin a ngaihven reng thu sawiin, "Tung pawh nasa zawk uar zel turin hmalak mek a ni. Sawhthing hmanga product siam theihna tur Tualchengah a awm tur hi Tualcheng khua mai ni loin, a chhehvel khua leh Mizoram tan bung thar kaina tur a ni," a ti.

Minister hi bialtu MLA Ginza-lala leh Horticulture secretary Maria CT Zuali ten an ṭawiawm a ni.