Pangpar dahṭhat tur cold room hawng

Horticulture director CH Lalmuanpuia chuan nimin khan Chaltlang Bazar (Multi-utility Centre)-ah Mizoram Florist Association-in pangpar leh thlai rei zawk dahṭhat theihna tura an bun Cold Room (Stagging) a hawng.

Cold Room hi Mission for Integrated Develop-ment of Horticulture (MIDH) 2025-26 hnuaia ruahman a ni a, RINAC company siam niin, bungrua ton 6.5 a leng. Mizorama thar pangparte engtik lai pawha tharlám taka lei theih tura dah­ṭhatna tur a ni a, Chaltlang Bazar chhawng hnuai berah a awm.

CH Lalmuanpuia chuan, Mizoram Florist Association tana hmun luahtirtu Chaltlang Local Council chungah a lawm thu a sawi a, "Sorkarin kut hnathawktute hmalakna ṭha tak min neihpui bakah, Handholding thupuia neiin hma a la mek a, chutah chuan florist-te an tel vek a ni," a ti.

Floriculture industry chu sorkar laipuiin hmeichhiate chawikanna tura hma a lakna nen a inzawm tlat thu lenh hmasawn zel turin hmalak dan kawng zawn a ni dawn thu Horticulture Minister chuan a sawi bawk.