Champhai district-ah society 8 titawp

Champhai District Cooperative Development Committee (DCDC) chu an chairman Moham-mad Aaquib, bawrhsap kaihhruaiin an ṭhukhawm. Champhai district-a coope-rative society pathum tihnun thar a nih thu leh society pariat tihtawp a nih thu tarlan a ni.

DCDC member secretary B Lalchhanhima, district cooperative officer ni bawk tarlan danin, Champhai district-ah cooperative society inziak lut (register) 180 an awm a; society pathum - Zokhawthar Multipurpose, Khuangleng Multipurpose leh Champhai Vengthar Pig Producer Cooperative Society Ltd. te chu tihnun thar a ni.

Ṭhutkhawmah hian hmalakna leh hmachhawpte sawiho a ni a; Ministry of Cooperation hmalakna hnuaiah Primary Agricultural Credit Societies (PACS)-te chu hmasawnna mil zela thlak danglam a ni. Computerisation kalpui mek a nih thu te, Champhai district-a PACS pangain e-PACS (electronic) an kalpui tawh thu te, a thawh hnihna atan Kelkang M-PACS Ltd leh Zotlang M-PACS Ltd-te chu e-PACS hmanrua pek an nih thu leh a thawh thumna atan society pasarih thlan an nih tawh thu tarlan a ni bawk.