Kolasib-ah LED Display Board hawng

Assembly deputy speaker Lalfamkima chuan nimin khan a bial chhunga Kolasib Diakkawnah Mizoram District Transformation Program (MDTP) hnuaia Infor-mation & Public Relations department-in 'Public Information LED Display Board' an siam thar a hawng.

Lalfamkima chuan, Kolasib district-in kawng hrang hranga hma a sawn thu a sawi rualin, zirna lamah ṭan lak a ṭul thu a sawi a, "MPSC hnuaia hna lak ṭhinah Kolasib aṭanga diltu kan la tlem ṭhin hle hi a pawi," a ti a; inelna hmachhawn ngam tur leh ṭan la thar turin ṭhalaite a chah.