KHAWTHLIR

Thisen pe

July 4, Inrinni khan KṬP leh ṬKP ten thisen unit 245 an pe. ṬKP, Mission Vengthlang Bial chuan Shalom Kohhran hall-ah Civil Hospital, Aizawl tan thisen unit 93 an pe a, petute mipa 72 leh hmeichhia 21 an ni. KṬP, Chaltlang South Branch-in Synod Hospital tan unit 41 pein, petute mipa 36 leh hmeichhia panga an ni a; KṬP, Thingsulthliah Pastor Bialin ZMCH tan unit 111 an pe a, petute mipa 80 leh hmeichhia 31 an ni.

MHIP Day

Vawiin July 6 hi MHIP Day vawi 53-na a ni a, Mizoram hmun hrang hrangah lawm a in dawn a, MHIP General Headquarters hruaitute'n branch hrang hrang an hmanpui ang. Mizo Hmeichhe Insuihkhawm Pawl hi July 6, 1974 khan din a ni.

Ṭanpuina hlan

Khatla Branch YMA chuan an din champha vawi 64-na pualin July 4, Inrinni khan Ṭawngṭai Bethel Camping Centre leh OKM, Phunchawng hnenah YMA sum leh veng mite thawh khawm Rs 4,23,340 an hlan. ṬBCC-ah bungfai ip 100, dailuah ip 30, bekangsa ip 20 leh chi ip li leh, OKM hnenah buhfai ip 57, dailuah ip 17, bekangsa ip thum leh chi ip hnih an hlan bawk. Khatla Branch YMA hi June 30, 1962-ah din a ni.

Naupang vailiam

Saitual district aṭanga His Little Feet, Windsor, Colorado, USA-a tel tura thlan naupang pangate chu July 3, 2026 khan Saitual District Child Protection Unit Office kawt aṭangin vailiam an ni. Naupangte hi Hlimna In Girls Home-a mi pahnih leh Serenity Boys Home-a mi pathum an ni a, DC pisaa superintendent Lalnunpuia'n a vailiam a ni.

AR-in Plastic Bag Free Day hmanpui

Assam Rifles chuan July 3, 2026 khan International Plastic Bag Free Day pualin Mimbung leh Zokhawtharah zirlaite nen hun an hmang a; naupangte chu sarâng lam chiin nghawng ṭha lo a neih dan te, leilung a tihchhiat theih dante an hrilhfiah a, sarang lam chi aiin lehkha leh puan lam chi hmang tam turin an chah. Zokhawtharah hian Drawing Competition an buatsaih nghal bawk.