CEO leh political party aiawhte inkâwm

Electoral Roll Special Intensive Revision (SIR) 2026 neih meka Draft Electoral Roll tlangzarh tâk pualin Mizoram chief electoral officer Garima Gupta chuan July 4, Inrinni khan political party hrang hrang aiawhte IPR Lianchhiari Rûnah a kâwm.

Garima Gupta chuan, political party te, sorkar official-te leh political party aṭanga booth level assistant (BLA)-te thahnemngaihna leh thawhrimna avangin Mizoramah SIR 2026 enumeration phase hlawhtling taka kalpui a nih thu a sawi a, "SIR thawh thumna kalpui mektu state 16 leh union territory pahnih zingah Mizoram chu digitisation 100% hmasa ber a ni," a ti.

Indian khua leh tui, vote nei thei zawng zawngte electoral roll-ah thun an nih theih nan leh, vote nei thei lo turte paih an nih theih nan uluk taka Draft Electoral Roll en turin CEO chuan political party-te a chah a; hmaih palh emaw, kum tling thar thun tur emaw, tih dik loh awmte siamṭhat hun lai a nih avangin ngai pawimawh turin a ngen.

Political party-te pawhin SIR 2026 chungchang an hmuh dan leh ngaihdante an sawi a; BLO-te leh official dangte thawh rimzia an hmuh thu an sawi bakah, rawtna an neihte an sawi chhuak a ni.

CEO Garima Gupta hian Draft Electoral Roll chu political party tin aiawhte hnenah a hlan nghal a; joint CEO Ethel Rothangpuii'n a ṭawiawm a ni.