SWMR 2026 tihhlawhtlin dan tur rêl

Siaha District Special Cell chu tun hnai khan Siaha additional DC Abraham Beirazi Khithie kaihhruaiin an ṭhukhawm a; Supreme Court-in Solid Waste Management Rules, 2026 a siam thar Siaha district-a tihhlawhtlin dan tur an ngaihtuah.

Ṭhutkhawmah hian Siaha District Action Plan leh SWM Rules hlawhtlinna tura pawimawh hrang hrang sawiho a ni a; danin sorkar hnathawk, tlawmngai pawl leh mipui tih tur a tuk leh mawhphurhna a pekte inhrilhfiah a ni bawk.

Khaw tinah village level solid waste management committee din a rêl a; mipuiin bawlhhlawh paih dan felfai zawk an hriata an zawm ngei theih nan a tam thei ang ber inzirtirna (awareness campaign) neih ni se, Solid Waste Management Centre sak mek chu chak zawka thawh a nih theih nan uluk lehzuala vil ni se, an ti.

Ek paihna tura ruahman ni lo, hmun remchang danga paih mai ṭhinte chu VC-te'n an enfiah zel dawn a; Solid Waste Management Centre bulah Faecal Sludge Treatment Plant bun tum a ni. Leivung paihna tura ruahmante Special Cell member-te'n a hmunah tlawh ni se, an ti bawk.

SWM Rules 2026 tihhlawhtlinna tura hma la turin Siaha District Special Cell hi May 2026 khan din a ni. Rules thar hnuaiah hian bawlhhlawhte chu chi li - ṭawih thei, ṭawih thei lo, mihring inenkawlna bawlhhlawh leh bawlhhlawh sâwngbawl ngai bikte a awm.