Minister-in tung herna tur hmun a tlawh

Rural Devlopment & Administration (RDA) minister Prof. Lalnilawma chuan nimin khan a bial Saituala RDA department-in tung herna khawl dahna tur in an sak mek a tlawh.

Tung herna khawl in sak mek hi RDA department kaltlangin Rs 10,00,000 sênga sak a ni a; tung chingtu chhungkaw 700 vel awmin, buh ṭin 1,816 hmun vela zauah tung chìn a ni. Prof. Lalnilawma hian kum kal ta khan tung chingtute tan tung hmuna an chìn tel tur pánhnah ṭiak ṭhahnem tak a lo pe tawh bawk.

Prof. Lalnilawma chuan, Mizoram sorkarin kut hnathawktute a hngai pawimawh thu sawiin, "Dinhmun ṭha zawka an din theih nan sorkarin hma a la mek," a ti. A bial chhung tan theihtawp a chhuah thu sawiin, "A bik takin kut hnathawktute'n leirem an rah theihna tura hmalakna a pawimawh. Vawi leh khatah hmasawnna kan duh ang zawng zawng kan hmu lo a nih pawhin, theihtawp ka chhuah zawl dawn a, hmasawnna hmel thar kan hmu zel dawn a ni," a ti.