Deputy Speaker-in hawng

Assembly deputy speaker Lalfamkima chuan nimin khan Pangbalkawnah Community Hall leh Village Organization (VO) House a hawng a; kut hnathawktute hnenah hlo thlawhna khâwl (brush cutter) a sem bawk.

Lalfamkima chuan, hmasawnna chu thil dawn ringawt a ni lo tih sawiin, "Kan thawh chhuah leh kan hman zui a ngai a, taimak leh rinawmna hi kan din chhuahna tur a ni. Sorkarin kut hnathawkte leh hmasawn tumte puihna a pek ṭhin hi hmasawnna atana kawngka pawimawh a ni. Puihna kan dawnte hi taimakna nen kan kawp thiam a ngai," a ti.

Sorkar puihnate chu eizawnna tihpuitlin nan hmang ṭangkai turin Lalfamkima chuan mipui a chah a, "Sorkar ṭanpuinate hi kut hnathawhnaah nasa zawka kan hman chuan kan chhungkua leh khawtlang tan hmasawnna duhawm tak a thlen dawn a ni," a ti a; puihna an dawnte chu chhawr ngei turin a chah.

Lalfamkima chuan, sorkar sum dinhmun a ṭhat chhoh ve zel thu sawiin, "Mipuite'n an nghahhlelh em em kawngpui siam leh ram hmasawnna tura ruahmanna dangte pawh chak zawka kalpui ṭan a ni," a ti bawk.