Lehkhathawn kengtu atan address hre sa dakpu an pawimawh - Ruatkima

MNF Legislature Party (MLP) secretary Lalruatkima chuan Sinlung Hills Council (SHC) inthlan lo awm turah lehkhathawn kengtu atan address hre sa dakpu an pawimawh thu a sawi.

SHC inthlan tur atana campaign neih mekah Lalruatkima hian Inrinni khan Sakawrdaiah thu sawiin, "SHC inthlang tur hi tuihna kang chat tawh leh tuihna kang ve lote inbeihna a ni. Council sorkar chu state sorkar hnuaia function tur a nih avangin Hmar tlangdung mipuite hmasawn nan sorkar dawr pawp theitu tur address hresa candidate-te vote turin mipuite ka sawm a ni. SHC hi 6th scheduled hnuaia awm tur a ni lo," a ti.

MNF party chu hnam party a nih angin hnam inpumkhatna atan hma a lak zel dawn thu sawiin MLP Secretary chuan, development hnathawh kawngah pawh party mite chauh ni lo, mi rethei leh hmeithaite ngai pawimawh turin khaw tina party worker kalkhawmte a chah.

Lalruatkima chuan MNF sorkar kum khat pawh la tling loa hmasawnna hnathawhte sawiin, "MNF sorkar hi kohhrante ṭawngṭai chhanna a nih avangin zu zawrh tihtawp a ni. Chini sem a ni leh ta te, zirtirtu lak thar leh health care ṭha zawk avangin mipuiten malsawmna an dawng mek a ni. Cabinet meeting-ah pawh ṭawngṭainaa inhlan hmasak ṭhin a ni," a ti.