Hindi thiam turin CM-in MPS-te a fuih

Mizoram Police Service (MPS) officer, Administrative Training Institute (ATI)-a training mek (MPS 26th Batch) mi pariatte leh chief minister Lalduhoma chu nimin khan CMO-ah an inkâwm a; CM chuan Hindi thiam tum turin a chah.

Chief Minister chuan, MPS training mekte chu thiamna sang tak tak nei an nih avangin an ṭangkai hle dawn tih a hrilh a, "Zirna tluang pangngaia in thiamna bakah hian Hindi hi thiam tum rawh u. Information technology lamah pawh hriam hle u la, in service kal zel tur tan leh kan ram tan a ṭangkai dawn a ni," a ti.

IPS a training lai leh a service lai chanchin sawiin Lalduhoma chuan, "Kan mimal nunphung leh kan mizia hi kan awmna tur leh kan thawhsak tur mipuite ngaihven hmasak a ni zel. Police hna hi harsatna tâwkte ṭanpui hna a nih ber," a ti a; kawng tinrengah mawi taka awm zel turin a fuih.

MPS trainee-te hi ATI director Rita Lalnunmawii Pachuau-in a hruai a, hriat duh an neihte Chief Minister an zawt a ni.