KHAWTHLIR

MUHCS rate

Mamita IPRO chuan thuchhuah siamin, Mizoram Universal Healthcare (MUHCS) empanel public hospital leh private hospital-te tana revised package rate thar siam chu hman vek tawh tur a nih thu a tarlang. Rate thar hian inremna (agreement) dang hmanga package rate hran siamte erawh a huam loh thu a tarlang bawk.

Khuarel app

Disaster Management & Rehabilitation department-in chhiatna thlengte awlsam leh rang zawka thuneitute hnena thlenna tura an duan, 'Khuarel' mobile application chu hmang ṭangkai turin sorkar chuan mi tin a ngen. Khuarel app hi Playstore leh Appstore aṭangin lak (download) theih a ni.

DC hoin ṭhukhawm

Khawzawl bawrhsap K Vanlalṭhiana kaihhruaiin nimin khan District Water and Sanitation Mission an ṭhukhawm. Bawrhsap chuan, an district-a khaw hrang hrangte chu tuihna humhalhah nasa zawka hma la tura a duh thu sawiin, office leh zirna-inah te ruahtui khawlna siam turin a chah a, ruahtui khawl thei lo pawhin a paihna ṭha tak siam vek turin a chah a ni.

Kuhva rah man

Champhai Khankawn Police Check Gate-a duty-te chuan July 5, 2026 khan tank-lorry AS-07 C-5431 aṭangin Myanmar aṭanga dan loa lak luh nia hriat kuhva rah kg 2,960 an man. Kuhva leh a phurhna lirthei te hi police-te chuan Champhaia Customs hnenah an hlan chhawng a ni.

Induction training

Public Works department chuan Engineer-in-Chief pisa conference hall-ah PWD-a thawk thar tur assistant engineer, sub-divisional officers leh junior engineer lak tharte tana ni thum awh induction training an buatsaih a, nimin khan khâr a ni. Training-ah hian mi 24 an tel a, PWD-a technical leh administration lam thilte zirtir an ni.