Police-in heroin leh meth an man

Mizoram Police chuan tun hnai khan hmun hrang hrangah heroin leh methamphetamine eng emaw zat an man.

Aizawl District Special Branch (DSB) leh 34 Assam Rifle te chuan July 6 khan joint operation neiin, Lawipu-ah Marcus Lalvenpuia (19), Luimawi, Mamit district hnen aṭangin methamphetamine kg 1.955 an man a; Aizawl Police Station-ah thubuai ziah luh niin, chhui zui mek a ni.

July 6, 2026 vek khan Zokhawthar police-te chuan Zokhawthar aṭanga Aizawl pana tlan maxicab pakhat an enfiah a; lirtheia chuang zinga mi Thuanmawia (42), Tshambhari, Falam district, Myanmar (Khawmawia cheng mek) nia insawi ipte aṭangin heroin gram 48 an man.

Police-te chuan July 7 khan Zokhawthar aṭanga Aizawl pana tlan Tata Sumo pakhat an dapnaah heroin gram 26 an hmu chhuak a, an man. Heroin hi Lalrinchhana (20), Khaw-mawi, Myanmar ta a ni.

Saitual police-te chuan July 8, Nilaini khan Keifang daia Kualmawi check gate-a lirthei an enfiahnaah, truck AS-01 SC-5973 an lo tiding a, truck khalhtu a tlanchhe nghal a, um zuiin, an man. Truck-ah hian heroin gram 102 an hmu chhuak a, truck khalhtu Fulchand Ali Mondal (35), Dhubri district, Assam-a lakah thubuai an ziak lut a ni.