Pangpar bâwmtu chungchang zirtir

National Mission on Himalayan Studies (NMHS) bultuma Zoological Survey of India (ZSI), Jodhpur-a Desert Regional Centre (DRC) chuan Mizorama pangpar bâwmtu rannung chi hrang hrang (wild pollinator) an zirchianna kal zelah nimin khan Pachhunga University (PUC) Zoological department-ah awareness programme an buatsaih.

Desert Regional Centre-a thawktute hi principal investigator Dr Rifat H Rainaan leh Dr Muzafar Riyaz ten hoin, Mizoram hmun hrang hrang - Phawngpui National Partk, Reiek tlang, Murlen National Park, Dampa Tiger Reserve leh Thaltlang khuaahte zirchianna an nei. Zirchianna bakah hian Khawzawl Divisional Forest office-a thawkte leh Teirei khawtlang mipuite hnenah wild pollinator-te ṭangkaina leh pawi-mawhna an zirtir a ni.