Mizoram state emblem neih tum

Mizoram sorkar chuan Mizoram hnam nunphung leh thil hlute tarlanna state emblem nei turin hma a la mek.

State emblem tur hi a duh apiang tan duan (design) theih a ni a, design duhte chuan June 24, 2026 aṭanga chhiara ni 45 chhungin GAD-ah thehluh tur niin, mimal, pawl, zirna in hminga thehluh theih a ni.

Design thehluh tur chu mahni siam ngei a ni tur a ni a, copyright, trademark emaw, intellectual property dang palzûtna tur a awm tur a ni lo. AI hmanga a tam zawk emaw, a vai emaw siam chu pawm a ni lo. Sorkar chuan a chhan sawi loin competition hi a titawp emaw, a hnâwl emaw thei bawk.