NCC band inelna Aizawlah buatsaih

National cadet Corps (NCC) North Eastern Region (NER) Directorate hmalaknain nimin khan Lammualah NCC Group Headquarters, Aizawl hnuaia 20 Mizoram Battalion NCC chuan 'NER Inter-Group Band Competition 2026' a buatsaih a, NCC NER additional director general Maj. Gen. Anurag Vij-a'n a hmanpui.

NER Inter-Group Band Competition hi New Delhi-a Republic Day lawmna neih huna Republic Day Camp-a NER Directorate aiawh tur NCC band thiam ber thlanna tura buatsaih a ni a; Assam, Meghalaya, Nagaland leh Mizoram aṭangin band hrang hrang an tel.

Intihsiakah hian 20 Mizoram Bn NCC (Aizawl Group) Pipe Band pakhatna an ni a, New Delhi-a Republic Day Camp awm leh turah NCC NER Directorate aiawhin an tel dawn a ni.