Mizoramah bâk chi hnih hmu chhuak

Shillong-a Zoological Survey of India (ZSI) researcher te, India rama institute hrang hrang scientist-te leh Hungarian Natural History Museum researcher-te chuan Asia chhimchhak ram chauha awm nia hriat bâk (bat) chi hnih Mizoramah pawh a awm tih tun hnai khan an hmuh chhuak.

Bâk chi hnih hi Glischropus Bucephalus leh Myotis Indochinensis tih a ni a, Mizorama hmuh chhuah a nih chungchang hi Animal Taxonomy and Ecology journal-ah tihchhuah a ni. Mithiamte hian kum 2023-2025 khan Mizoram hmun hrang hrangah bâk an zir chiang a ni.

Glischropus Bucephalus bâk chu Cambodia, Vietnam, Thailand leh Myanmar ramah chauh a awm nia hriat ṭhin a ni a, mahse, Serchhip district-a Chhiahtlangah a awm ve tih an hmu chhuak. Myotis Indochinensis chu Vietnam, Laos leh China chhim lamah chauh hmuh a ni ṭhin a, mahse, Mamit district-a Reiekah a awm tih an hmuh chhuak bawk.

Mizorama bâk chi hnih hmuh tharte nen hian zir chian tawh chinah India ramah bâk chi hrang (species) 138 an awm tih chhinchhiah tawh a ni.