Minister-te'n Horticulture Centre tlawh

Horticulture minister C Lalsawivunga leh minister of state pahnih B Lalchhanzova leh Lalnghinglova Hmar te chuan July 11, Inrinni khan Chite Venga Horticulture Centre an tlawh.

Horticulture Centre-ah hian kum 2023 aṭang khan ‘Development of Pilgrimage & Heritage Tourism Facilitation and Congregation Centre’ leh ‘Aizawl Convention Centre’ kalpui a ni. Project-te avang hian Horticulture department hmalakna hrang hrang - scion bank (M. Orange), anthurium garden, dragon fruit nursery, rose garden, godown cum cold room, vermicompost unit, water tank leh water pump house te tihchhiat a ngai a ni.

Project pahnih hnuaia hmunhma dinte chu peih a ni dawn hnai tawh a, inkalpawhna kawng tur a awm loh avangin minister pathum hian a hmunah tlawhin, kawng siam dan tur an enho a ni. Hmunhmate mipuiin ṭangkai taka an hman thuai theih nana hmalak dan tur an thlir bawk.

Minister-te hi an department chan ṭheuha officer-te leh Chite Veng khaw-tlang hruaitute'n an ṭawiawm a ni.