Aizawla lung tla laka himna tur ngaihtuah

Aizawl District Disaster Management Authority (ADDMA) chu an chairman Lalhriatpuia, bawrhsap hoin nimin khan DC Pisapui Hall-ah an ṭhukhawm a; Aizawla lung tlak hlauhawmna hmun - Ngaizel phei, Bawngkawn-Durtlang kawng, Chanmari-Chaltlang kawng leh Chanmari-Ramhlun kawnga hmalak dan tur an rêl.

Ṭhutkhawmah hian Aizawl chhunga lung tla vanga thihna leh harsatna thleng thei laka mipui an him theih dan tur sawiho a ni. Ngaizel phei, Bawngkawn-Durtlang kawng, Chanmari-Chaltlang kawng leh Chanmari-Ramhlun inkar kawnga hmalak dan turte ruahmanin, Ngaizela lung tlak mekna chu lung tlak hlauhawm la awmte scaling hmanga then fai a, a theih anga tuam (draping) lailawk an rel a ni.