Physician (doctor)-te inkhawmpui

Association of Physicians of India (API), Mizoram Chapter chuan tun hnai khan Aijal Club-ah inkhawmpui, MIZAPICON vawi hnihna an hmang a, thupui chu 'From hills to hope - Transforming healthcare together' tih a ni.

MIZAPICON-ah hian damdawi lam thiamna inhlan chhawnna, zirchianna thar pho chhuah leh damlo enkawlnaa hmasawnnate sawiho a ni a; Mizoramin medicine specialist a neih hmasa ber Dr R Lalzauva (L) hriatreng nan 'Oration on hypertension guidelines' chungchang sawiho a ni.

API hi December 23, 1944 khan medicine specialist-ten Chennai-ah an din a ni a; Aizawla an inkhawmpuiah hian Mizoram pawn aṭangin damdawi lam thiam (API member) 24 bakah, Mizoram aṭangin medical officer leh specialist hrang hrang mi 100 vel an tel a ni.