Kolasib district-ah lirtheia chetsualna vanga thi an tlem

Kolasib additional DC B Malsawmtluangi hoin nimin khan Kolasib District Road Safety Committee an ṭhukhawm a; tun dinhmunah Kolasib district-ah lirtheia chetsualna vanga thi an tlem thu tarlan a ni.

Ṭhutkhawmah hian Kolasib district-ah lirthei chesual awm ve zeuh ṭhin mah se, chetsual vanga thi erawh an tlem thu tarlan a ni a, tun dinhmunah Kolasib district chhungah accident thlen awlsamna hmun bik (black spots) chhinchhiah a awm rih lo tih tarlan a ni.

Lirtheia chetsualna a thlen apiangin police aṭangin a rang lama report thehluh zung zung ṭhin ni se an ti a; Supreme Court thuchhuak angin, Committee chu mumal leh chak zawka kalpui a, ṭhutkhawm pawh zing zawka neih ṭhin an rel bawk.