Phone bo hmuh a neitute pe let

Lunglei District Police Cyber Cell chuan kumin January 1 aṭanga June 30 thlenga phone bo report an dawn zinga an hmuh let 64 chu a neitute hnenah nimin khan an pe lêt.

Lunglei SP J Lalmuankima chuan, phone bo report an dawnte chu Cyber Cell-in ngawrh takin an chhui a, an hmuh lette chu a neitute kuta an hlan let a, dan bawhchhia mante chu thubuai siamsak ṭhin a nih thu a sawi a, "Phone bo, a man phu loa hniama lo leisaktute pawh dan anga thubuai siamsak ṭhin an ni," a ti. Phone hlui leiah mi tinte fimkhur tur leh hriat chian loh chu lei lo tur te, phone hlui zuar rinhlelhawm an awm chuan Police hriattir ṭhin turin SP chuan mipui a chah a ni.