CYMA-in zirlaite an lawmpui

Central YMA chuan thuchhuah siamin, Mizoram University-in Under Graduate Examination 2026 result July 10, 2026-a a tihchhuahah, zirlai 3512 (78.92%) an hlawhtling chu lawmawm an tih thu an tarlang a, "Zirlai hlawhtling thar zawng zawngte kan lawmpui tak zet," an ti.

CYMA hian zirlai hlawhtling tharte chu an kawng zawh zel turah ṭhahnemngai taka bei tur leh, ram leh hnam tana chhenfakawm ni zel turin duhsakna an hlan a; la hlawhtling rih lote pawh theihtawp chhuah zel turin an chah. Result felfai taka chhuah thei tura thawktu zawng zawng chungah an lawm thu an sawi bawk.