Observer hoin SIR 2026-a hmalaknate thlirho a ni

Electoral Roll Special Intensive Revision (SIR) 2026 observer V Lalsang-liana, IAS hoin nimin khan Aizawl Bawrhsap Pisapui Hall-ah SIR 2026 buaipuitu official te, tlawmngai pawl aiawh-te leh political party aiawh-te'n hmalak tawhte leh hmachhawpte an thlirho.

V Lalsangliana chuan, Aizawl district-a SIR 2026 kalpuiah Election Commission of India-in SIR hmalak dan tur phase hrang hrang a duante hun bituk chhungin ṭha takin an zo thei em tih te, mipui hnena awareness neih dan te, DEO, ERO, AERO, BLO leh BLA-te harsatna te, tlawmngai pawlte leh political party-te thurawnte hriat a duh thu a sawi.

SIR Observer chuan, SIR 2026 chu Mizoramin electoral roll dik, thianghlim leh felfai tak a siam theih hun lai a nih avangin political party leh tlawmngai pawlte chu theihtawp chhuaha ERO, AERO, BLO leh BLA te ṭawiawm turin a ngen a ni.

V Lalsangliana hian nimin khan Zuangtui, Muanna Veng, Durtlang leh Durtlang-V polling station-te a tlawh bawk.