AMC-in tifel turin hriattir

AMC joint commis-sioner Lalremruata Kullai chuan hriattirna tichhuakin, in sak dilna siamṭha tura an thawn lêtte bawhzui lo technical personnel-te chu July 20, 2026 hmaa tifel turin a hriattir a; hun bituk chhunga tifel lote chu hnâwl a nih dawn bakah dan anga hrem an nih tur thu a tarlang.

Lalremruata Kullai chuan, Online Building Construction Permit Approval System hmanga in sak dilna, AMC office aṭanga siamṭhat tura thawn chhuah tawh, tech-nical personnel aṭanga hmalakna awm miah lote chinfelna hun siam a nih thu a tarlang a, "Hmalak loh chhan te, in sak dilna hmun thlalak tharlam ber leh hmalak chhunzawm tura duh dante ziakin additional document-ah July 20, 2026 hmain thehlut tura hriattir in ni," a ti.

Hun bituk chhunga tifel lote chu dan angin hnâwl (refuse/reject) tura hmalak a nih dawn thu tarlangin AMC Joint Commissioner chuan, technical personnel-te lakah pawh a ṭul angin AMC Building Regula-tions 2012 tlawhchhanin hremna lek a nih dawn thu a tarlang bawk.