Kumin kum chanve chhungin Siaha district-ah TB vei 47 hmu chhuak

Siaha district bawrhsap VL Hruaizela Khiangte chuan nimin khan DRDO conference hall-ah ngawr (TB) natna veite tana chaw ṭha leh hrisel pek kalpuina tura duan, 'Energy Dense Nutritional Supplement & Nikshay Mitra' a hawng. Kum 2025 khan Siaha district-ah TB vei mi 132 leh kuminah kum chanve chhungin mi 47 hmuh chhuah a nih thu tarlan a ni.

Siaha Bawrhsap chuan, Mizorama district 11 zingah TB, sikserh, AIDS leh infant mortality rate sawi apianga Siaha district hming lang fo leh a sang pawl a ni ṭhin chu lungchhiathlak a tih thu a sawi a, "Heng natna do rêm tur hian department pakhat kuta dah a tâwk lo a, NGO, khawtlang leh kohhran te nen rualkhai taka theihtawp kan chhuah a ngai," a ti.

State TB officer Dr Zochhuanawmi tarlan danin, kum 2025 khan Siaha district-ah mi 10,308 endik zinga 132-in TB an vei tih hmuh chhuah a ni a, kumin kum chanve, January-June 2026 chhungin mi 6,743 endikah mi 47-in TB an vei tih hmuh a ni bawk. TB vanga thite thihna chhan lian ber pakhat chu ei tur ṭha an hmuh loh vang a ni.

Energy Dense Nutri-tional Supplement & Nikshay Mitra hawn-naah hian Nation-al Tuberculosis Elimina-tion Programme district public-private mix (DPPM) coordinator Lalrammuana'n Nishay Mitra nihphung leh hmalaknate a sawifiah.