NABARD Foundation Day lawm a ni

NABARD chuan nimin khan Aizawla an conference hall-ah an dincham vawi 45-na 'Foundation Day' an lawm a, Food Civil Supplies & Consumer Affairs (FCSCA) minister B Lal-chhanzova'n a hmanpui.

B Lalchhanzova chuan, kut hnathawkte hmasawnna kawngah NABARD chuan a thawk ṭha hle nia a hriat thu sawiin, "CODNERC chairman ka nih chhunga Thenzawl Handloom Cluster Project sanction hmangin Mizoram handloom sector chawilar a ni," a ti a, NABARD hotute chu rural development atana hma an lak danah tualchhung/khawtlang boruak mil zel leh mipui mamawh ang zela hma la turin a chah.

NABARD general manage (OIC) Bhaskar Mant chuan Mizorama NABARD hmasawnna tura hmalakna leh hlawhtlinna hrang hrangte tarlangin, state chhunga institution hmalakna hrang hrangte NABARD DGM Lalrokunga Chhakchhuak chuan a tarlang bawk.

'Women-Led Deve-lopment in Agriculture in Mizoram (hmeichhe kaihhruai agriculture hmasawnna)' tih thupui hmangin MZU Dept of Economics-a Prof. Lal-hriatpuii'n thu a sawi bawk.

Inkhawmah hian NABARD hnuaia puihna dawngtu Farmer Producer Organisation (FPO)-te thil siamchhuah pholanna exhibition buatsaih a ni a, Mizorama NABARD-in a inrawlhna hmanga loneitu pawl leh thingtlang lama hmalakna hrang hrangte hlawhtlinna tarlan a ni.