KMMTTP leh rel kawng zirchiangtute ṭhukhawm

Nimin khan Secretariat conference hall-ah Study Committee on KMMTTP and Railway line between Bairabi and Sairang chu an chairman T Lalhlimpuia, MLA kaihhruaiin an ṭhukhawm.

Committee-ah hian Mizoram Youth Commission chairman Malsawmzuala Ralte leh department hrang hrang secretary-te chu special invitee an ni.

Study Committee hian an thil zir hi draft report an peih tawh. Enhona an neih hnuin Chief Minister hnenah thehluh phawt nise tih a ni.

Ṭhutkhawma tarlante :

☑ KMMTTP study neih mekah West Bengal tlawhnaa an thil hmuh leh Mizoram tana hmalak theihna awmte report ngaihthlak a ni.

☑ SIRD-in Bairabi leh Sairang rel kawng inkara social impact assessment an neih zawh tak report ngaihthlak a ni. Sairang leh Bairabi inkar hmasawnna tur chhawpchhuahte a lem nen an thlirho.

☑ MYC Chairman-in Study Committee on KMMTTP and Railway line between Bairabi and Sairang kal mek kara ṭhalaite tan eizawnna awm thei turte MYC anga hma an laknate a tarlang.

☑ Central sorkarin Act East Policy aṭanga KMMTTP a kalpui tur leh railway atana Mizoramin mamawh an neih hrang hrangte phuhrukna turin department hrang hrangin hmachhawp leh rawtnate sawiho a ni.