Kawng siam turin inremna siam

Aizawl East-II bialtu MLA B Lalchhanzova, minister of state hmalak-nain July 18, Inrinni khan a bial chhung Tuithiang venga kawng siamna turin inremna siam a ni.

Bialtu MLA hmalakna hian Tuithiang Venglai leh Tuithiang Vengthlang lam motor kawng (biak-in kawng) inkal pawh theih tura siam ṭan a ni dawn a; hemi atan hian he kawngin a paltlang ram neitute nen inremna siam a ni.

ZPM, Tuithiang Unit chuan thuchhuah siamin, "Hetianga veng dang paltlang ngai loa veng leh veng inkalpawhna tur veng chhung hmasawnna tur atana Bialtu MLA-in hma min laksakna hi lawmawm kan ti hle a ni," an ti.