Mizoram Rajya Sabha MP atan Khiangte Laltluangkima lak luh a ni

Mizoram aṭanga Rahya Sabha member tura thlan Khiangte Laltluangkima chu nimin khan Rajya Sabha chairman CP Radhakrishnan, India vice president chuan MP atan rinawmna thu tiamtirin a la lut.

Nimin khan Parliament fûr ṭhutkhawm ṭan a ni a, Rajya Sabha (Upper House)-ah chuan member tharte lak luhna inkhawm buatsaih a ni. Mizoram MP atana lak luh K Laltluangkima hi lak luhnaah hian Lok Sabha MP Richard Vanlalhmangaiha, Planning Board vice chairman Dr Kenneth Chawngliana, ZPM hruaitu ṭhenkhatte leh a chhungte'n an ṭawiawm.

K Laltluangkima chuan, "Vawiin July 20, 2026 hian Rajya Sabha-a Mizoram state aiawh tura lak luh ka ni ve ta a, Pathian chungah leh kan sorkar te, kan hruaitute leh Mizoram mipui zawng zawng chungah lawmthu ka sawi a ni," a ti.