Police-te tan economics offence zirhona buatsaih

Bureau of Police Research & Development (BPRD) bultumin nimin khan Anti Corruption Bureau (ACB) conference hall-ah 'Investigation of economic offence' tih thupui hmangin training buatsaih a ni a, ACB director Mukesh Kumar Meena-in a hawng. 

Sorkar thuchhuah tarlan danin, economic offence hi tunlai India ramah a hluarin buaipui a hlawh tawh hle a ni. Ram ei leh bar leh economy ṭhang mek ti khaihlak a, tibuai thei chi reng reng hi economic offence chuan a huam a ni. Economic offence sualna do nan leh dan bawhchhiate hremna turin India ram chuan dan mumal tak a nei a, IPC Income Tax Act, Custom Act 1962, Foreign Exchange Regulation 1973, Banking Regulation Act, Companies Act, Arms Act leh a dangte hi India rama economic offence do na atana dan hman mekte an ni.

Economic offience sualna chi hrang hrangte enzui a chhui zui tur pawlte pawh mumal tak India ramin a nei. CBI Directorate of Enforcement, Central Narcotic Bureau, State Police-a Economic Offence Wing, Crime Branch, Directorate of Income Tax, Directorate of Foreign Trade, Directorate of Revenue Intelligence-te hi chutiang atana awm chu an ni.

Training hi ni nga awh tur a ni a, thupui chi hrang 12 hmangin mi thiamte'n India hmarchhak state hrang hrang leh Mizoram police-a mi 23-te thil pawimawhte an zirtir dawn a ni.