MSPMC-in EMRS Tlungvel an endik

Mizoram State Project Monitoring Committee (MSPMC) chuan July 17, 2026 khan Eklavya Model Residential School (EMRS), Tlungvel sak mek an endik. EMRS Tlungvel hi sak zawh hun tura ruahman chu December 21, 2024 thleng pawhsei ni mah se, sak zawh a la ni lo.

EMRS Tlungvel hi Ministry of Tribal Affairs hnuaiah hmun kilkhawr zawka schedule tribe-te'n zirna ṭha a thlawna an dawn theihna tura ruahman a ni a, middle school leh high school zirna kalpui tur a ni. Tender amount cheng vbc 24 niin, agreement amount vbc 23.3361 a ni a, contractor chu VRS Construction, Zonuam, Aizawl a ni.

Hna zawh hun tura ruat chu December 20, 2021 a ni a, mahse, an zawh hman loh avangin December 21, 2024 thleng pawhsei a ni. MSPMC hian June 7, 2024 khan EMRS Tlungvel sak mek hi an lo endik tawh a, khatihlai khan hna 55% an zo tawh a, contractor hnenah cheng vbc 15.94 pek a ni tawh.

MSPMC hian EMRS Tlungvel component hrang hrangah duhthusam lo leh siamṭhat dan turah rawtna eng emaw zat an lo siam tawh a, chu'ngte chu a taka zawm a nih leh nih loh uluk takin an endik leh a ni. Hna thawh zawh loh leh thawh kim loh bakah, hna ṭha lo leh pawm tlak loh a tam hle tih an tarlang.