Apex Bank branch thar hawng

Mizoram Cooperative Apex Bank branch 37-na, Zemabawk Branch chu nimin khan Cooperation minister PC Vanlalruata'n a hawng.

Hawnna inkhawm hi Salvation Army Hall, Zemabawk Venglaiah buatsaih a ni a, MCAB chairman Lalnunsanga'n a kaihruai. Minister PC Vanlalruata chuan, Apex Bank chu sorkarin 'kan bank' a tih theih tura share a neihna a nih thu sawiin, Mizo bank a nih ang ngeia thawhhona ṭha tak nei turin kal khawmte a chah.

MCAB deputy general manager Vanlalhriata chuan, Apex Bank-in branch 37 leh ATM booth 45 an neih mek thu a sawi a; Zemabawk Local Council chairman Zosangliana'n thu a sawi bawk.