Lungleiah Job Fair & Career Fair buatsaih

Labour, Employment, Skill Development & Entrepre-neurship (LESDE) department leh J Buana College ṭang dun chuan nimin khan J Buana College-ah 'LESDE Job Fair & Career Fair 2026' an buatsaih a, Lunglei bawrhsap Navneet Mann-i'n a hawng.

Job Fair & Career Mela-ah hian hna thawktu ruaitu pawl/sumdawng hrang hrang - financial institution, banking, healthcare, service, automobile, information technology, FMCE, tourism & hospitality, beauty & wellness leh thil dang khawih company hrang hrang an tel a, stall 27 siam a ni.

Fair & Mela hmang ṭangkaia hna hmu nghal an awm bakah, employer-te hnena inziak lut, interview leh document endik hmabak eng emaw zat an awm niin sorkar thuchhuahin a tarlang.

JESDE Fair hi Ministry of Labour and Employment hnuaia National Career Service Project kaltlanga Model Career Centre Scheme aṭanga buatsaih a ni a; zirna leh eizawnna kawng inkawhhmuhna (career gui-dance & counselling) buatsaih nghal niin, zirlai leh ṭhalai ṭhahnem takin an chhim a ni.

Lunglei Bawrhsap chuan, Lunglei ṭhalaite'n district leh state hmasawnna atan tih theih tam tak an neih thu sawiin, "Mahni intodelh tur leh chhungkua leh khawtlang tana mi ṭangkai ni turin eizawnna ngêlnghet neih a pawimawh a, sorkar hna hi hna nghet leh him ni mah se, tunlaiah chuan eizawnna kawng awm chhun a ni tawh lo," a ti a; ṭhalate chu sumdawnna leh mahni thiamthil hmanga eizawnna awm theite chhawr ṭangkai turin a chah.