Aizawl Traffic Police hnenah Apex Bank-in kawr 320 an pe

Mizoram Cooperative Apex Bank (MCAB) chuan nimin khan Aizawl Traffic Police hnenah traffic police-te'n hna an thawhnaa an hâk tur kawr (traffic sleeveless jacket/vest) 320 an pe a, MCAB chairman Lalnunsanga'n Traffic SP C Vanlalvena hnenah a hlan.

Kawr inhlanna inkhawm hi MCAB Head Office-ah neih a ni a, kaihruaitu MCAB chief executive officer A Lallungmuana chuan, "Mizoramin National Award for Excellence in Traffic Management a dawng hi a chhuanawm a, hei hian traffic police-te inpekna leh Mizo mipuiin civic sense kan neih ṭhatzia a tarlang," a ti a; Aizawl Traffic Police-te'n vest ṭha tak hâk an phû thu leh a ṭul anga insèn zel an inhuam thu a sawi.

Traffic SP C Vanlalvena chuan, Aizawl Traffic Police tana MCAB inpeknaah an lawm thu a sawi a; kawr thar chu hna an thawhnaah a ṭangkai tur thu leh traffic discipline vawnnaah pawh ṭangkai taka an hman dawn thu a sawi bawk.

Apex Bank-in Aizawl Traffic Police hnena vest 320 an hlan hi Rs 4,48,000 man a ni.