Conservator of Forests (Eastern Circle) sawnna sût turin NGOCC-in sorkar phût

Champhai District NGO Coordination Committee chuan thuchhuah siamin, Champhaia Conservator of Forests (Eastern Circle) ṭhiah leh sawnna thupek (order) chu July 2026 ral hmaa sût turin Mizoram sorkar an phût.

Champhai District NGOCC chuan, Conservator of Forests (Eastern Circle), Champhai chu Conservator of Forests (Working, Plan, Research and Development) tia thlakin Aizawla sawnna tur hriattirna July 20, 2026 khan chhuah a nih thu an tarlang a, Champhai district mipuite'n pawi an tih thu an sawi.

Sorkar kal tain duhsak taka Conservator of Forests (Eastern Circle) an siam, Aizawl lama sawn a ni chu Champhai district mipui thamlohnaa an ngaih thu sawiin NGOCC chuan, "Conservator of Forests (Eastern Circle) ṭhiah leh sawnna order hi July 2026 ral hma ngeia sût turin Mizoram sorkar kan phût a, order hi sût a nih loh chuan a tawp thlengin kan do tlat dawn a ni," an ti.

Champhai NGOCC thuchhuahah hian chairman PC Lalrawnliana leh secretary Lalchhuanawma ten hming an ziak a ni.