Mizoram & Telangana Speaker-te inkâwm

Mizoram Legislative Assembly speaker Lalbiakzama leh Telangana Legislative Assembly speaker Gaddam Prasad Kumar te chu nimin khan Vidhan Sabha, Hyderabad, Telangana-ah an inkâwm.

Speaker pahnih hian Mizoram leh Telangana state-te'n thawh dunna ṭha zawk an neih dan tur leh, state assembly ve vea an kalphungte an sawi dun a; Lalbiakzama chuan Mizoram tlawh ve turin Telangana Speaker a sáwm.

Lalbiakzama chuan, Telangana chu state lian leh puitling zawk a nih avangin anni hnen aṭangin thurâwn an mamawh thu a sawi a; Gaddam Prasad Kumar pawhin Mizorama remna leh muanna an neih ang an awh ve thu a lo hrilh.

Telangana sorkor hi rorelna in pahnih nei, bicarmeral government a ni a, Legislative Assembly (Vidhan Sabha - Lower House) leh Legislative Council (Vidhan Parishad - Upper House) an nei. Legislative Assembly-ah member (MLA) 119 an awm a, Legislative Council-ah member (MLC) 40 an awm thung.