MPCC-in PM hnenah memorandum thehlut

July 21, Thawhlehni khan Delhi-ah Congress party hruaitu Rahul Gandhi man a nih avangin Mizorama Congress party mite chu zan dar 9 vel khan Aizawla Lok Bhavan luhna gate bulah an pungkhawm a, Larsap hnenah memorandum an thehlut.

Punkhawmnaah hian MPCC senior vice president Lalnunmawia Chuaungo chuan, All India Congress Committee president Mallikhargun Kharge leh Parliament-a opposition leader Rahul Gandhi ten zirlaite thlavang hauhin hma an la mek tih sawiin, "India rama state zawng zawngah zanin hian Raj Bhavan kawtah kan pungkhawm a, prime minister Narendra Modi hnenah Goverbor kallangin memorandum kan thehlut a ni," a ti.

Lalnunmawia Chuaungo chuan, AICCin sorkar laipui an nawr mekna an thlâwp thu sawiin, "Zirlaite chanvote humhim zo lo leh hma la duh lo central sorkar kan dem a, mawhphurhna la hmasa ber tur chu Education minister Dharmendra Pradhan a ni," tiin, bâng nghal tura an duh thu a sawi.

MPCC Senior Vice President chuan, 'Delhi-a zirlaite chanvo bawhchhiatsak an nihna leh an hmakhua ngaia an chetnaah policete nghaisakna lantir leh an laka FIR thehluhte hnuhkir nghal ni rawh se' tiin Larsap kaltlangin PM hnenah MPCC president Lal Thanzara hmingin memorandum an thehluh thu a sawi a; zirlaite thlavâng an hauh zel dawn thu a sawi bawk.